یو اے ای میں کاروبار کرنے والوں کیلئے میوزک چلانے پر اب سالانہ فیس ادا کرنا ہوگی۔ وزارتِ معیشت و سیاحت کے مطابق ریسٹورنٹس اور کیفے کیلئے فیس 1,500 درہم سے شروع ہوگی، جبکہ شاپس کیلئے کم از کم 1,700 درہم رکھی گئی ہے۔ سیٹوں یا جگہ کے حساب سے فیس میں اضافہ ہوگا اور زیادہ سے زیادہ فیس کی حد بھی مقرر ہے۔ شاپنگ مالز اور فٹنس سینٹرز کیلئے الگ فیس اسکیل جاری کیا گیا ہے۔ ہوٹلز، ریڈیو اور ٹی وی چینلز، اور ایئرلائنز کیلئے بھی مخصوص فیس مقرر کی گئی ہے۔ حکومتی ادارے، تعلیمی ادارے اور ذاتی تقریبات اس فیس سے مستثنیٰ ہوں گی۔ وزارت نے نگرانی اور شکایات کی جانچ کا اختیار بھی اپنے پاس رکھا ہے۔ یہ خبر ای آر اے نیوز گلف سے حاصل کی گئی ہے۔