دبئی میں رہنے والے افراد کے لیے مشترکہ رہائش کے حوالے سے اہم قانون متعارف کرایا گیا ہے۔ اس قانون کے تحت فیملیز، انفرادی مرد و خواتین، طلبہ اور سرکاری یا نجی کمپنیوں کے ملازمین مخصوص پراپرٹیز میں مشترکہ رہائش اختیار کر سکیں گے۔ کرایہ ہر ماہ ایڈوانس میں ادا کرنا لازمی ہوگا، البتہ مالک اور رہائشی باہمی رضامندی سے مختلف ادائیگی کا طریقہ طے کر سکتے ہیں۔ بجلی اور پانی کے بل کرایہ میں شامل ہوں گے، لیکن اگر الگ سے طے ہو تو بھی بل کی ذمہ داری مالک پر ہوگی۔ ہر پراپرٹی کے لیے اجازت نامہ، سیفٹی اور دیگر شرائط پوری کرنا ضروری ہے۔ قانون کے مطابق، رہائشی اپنی جگہ کسی اور کو رہائش کے لیے نہیں دے سکتے اور سب لیٹنگ ممنوع ہے۔ یہ قانون دبئی کے تمام علاقوں میں لاگو ہوگا، تاہم اجتماعی لیبر رہائش اس میں شامل نہیں۔ یہ خبر ای آر اے نیوز گلف نے فراہم کی ہے۔