ابوظبی اور دبئی کے رہائشیوں اور سیاحوں کے لیے پارکنگ سروسز مزید آسان ہونے جارہی ہیں۔ ابوظبی کی کیو موبیلیٹی اور دبئی کی پارکن کمپنی نے معاہدہ کیا ہے کہ وہ اپنے اسمارٹ پارکنگ سسٹمز کو یکجا کریں گی۔ اس معاہدے کے تحت دونوں امارات میں رہائشی اور سیاح ایک ہی ڈیجیٹل پلیٹ فارم سے پارکنگ فیس اور دیگر خدمات حاصل کر سکیں گے۔ معاہدے میں مصنوعی ذہانت اور ڈیٹا اینالیٹکس کے پائلٹ پروجیکٹس بھی شامل ہیں تاکہ پارکنگ کی دستیابی اور سروس کو بہتر بنایا جا سکے۔ دونوں کمپنیاں ڈیٹا اور ٹیکنیکل مہارت کا تبادلہ بھی کریں گی اور موجودہ پارکنگ انفراسٹرکچر کا بہتر استعمال کریں گی۔ یہ اقدام اسمارٹ موبیلیٹی کو فروغ دینے کی کوششوں کا حصہ ہے۔ یہ خبر ای آر اے نیوز گلف سے حاصل کی گئی ہے۔