بیرون ملک سے تعلیم حاصل کرنے کے خواہشمند طلبہ کے لیے بڑی خوشخبری ہے۔ شارجہ کے حکمران شیخ ڈاکٹر سلطان بن محمد القاسمی نے القاسمیہ یونیورسٹی میں 470 اسکالرشپس کی منظوری دی ہے۔ یہ اسکالرشپس مختلف ممالک سے تعلق رکھنے والے طلبہ کے لیے ہیں جو 2026-2027 تعلیمی سال میں یونیورسٹی میں داخلہ لیں گے۔ اسکالرشپس یونیورسٹی کی پانچ انڈرگریجویٹ کالجز میں دستیاب ہیں جن میں شریعہ اینڈ اسلامک اسٹڈیز، آرٹس اینڈ ہیومینٹیز، اکنامکس اینڈ مینجمنٹ، کمیونیکیشن اور ہولی قرآن کالج شامل ہیں۔ القاسمیہ یونیورسٹی میں 140 قومیتوں کے طلبہ تعلیم حاصل کر رہے ہیں جس سے ایک کثیر الثقافتی ماحول بنتا ہے۔ اس اقدام کا مقصد تعلیم اور بین الثقافتی ہم آہنگی کو فروغ دینا ہے۔ یہ خبر آپ تک ای آر اے نیوز گلف نے پہنچائی۔